Ashtu siç është paralajmëruar në konkursin për pjesëmarrje në kontestin e ilahive në Sarajevë: "Këngëtari i Sharjahut-Munshid Sharjah”, Fondacioni Qendra e Civilizimit Islam-FOCIC, ka mbështetur organizimin e shkuarjes të pjesëmarrësve nga Shqipëria, Serbia dhe Maqedonia. Pjesëmarrësit në këtë kontest janë: Nusret Kurtishi nga Shkupi, Burim Sherifi nga Tetova; Bunjamin Hasani, Adnan Zeqiri nga Presheva dhe Resmi Likaj nga Shkodra. Në përbërje të komisionit për vlerësim është edhe hfz. Aziz Alili me prejardhje nga Maqedonia por që jeton dhe vepron në Zagreb. Nga Gjermania për në Sarajevë, për të përcjellë ecurinë e kontestit, ka udhëtuar edhe drejtori i Fondacionit Qendra e Civilizimit Islam-FOCIC, zr. Benjamin Idriz. Të gjithë pjesëmarrësve u dëshirojmë sukses në kualifikimin për garën e madhe në Sharjah-Emiratet e Bashkuara Arabe e cila do të mbahet në muajin Dhjetor të këtij viti. Fituesi i garës së madhe do të shpërblehet.