Ftesë për aplikim

Afati i fundit: 3 Shtator 2017

Data dhe vendi: 08 – 11 Shtator 2017, Mavrovë (Maqedoni)

Përshkrimi:

Fondacioni Qendra e Civilizimit Islam në Shkup organizon shkollën verore me temë: "Vetja dhe Tjetri në Ballkan” e cila do të organizohet në Mavrovë gjatë datave 08-11 Shtator. Ky program synon t’i tubojë studentët e trojeve shqiptare të cilët kanë interesim për debatet teorike. Në këtë shkollë do të diskutohen problemet  identitare, kulturore dhe politike të shqiptarëve. Për më tepër, subjekt ligjërimi në këtë shkollë janë projeksionet identitare të shqiptarëve në raport me popujt e tjerë në Ballkan bazuar në shqyrtimet teorike, hulumtimet tekstuale dhe empirike. Ligjëratat do të mbahen në gjuhën shqipe. 

Temat e diskutimit: 

Intimiteti i vetes dhe tjetrit

Midis vetes dhe tjetrit: Islami në librat shkollorë të historisë në Shqipëri

Ne dhe ata: Përceptimet identitare tek Maqedonasit dhe Shqiptarët

Vetja dhe Tjetri në medievistikën Shqiptare

Sfidat identitare të shqiptarëve pas luftës së ftoftë

Tjetri si instrument i prodhimit të identitetit

Ligjëruesit:

Hysamedin Feraj – Shqipëri

Ali Pajaziti – Maqedoni

Rizvan Sylejmani – Maqedoni

Ergys Mërtiri – Shqipëri

Doan Dani – Shqipëri

Enis Sulstarova – Shqipëri

Të gjithë studentët të cilët janë të interesuar në debatet teorike për çështjen e identitetit, kjo shkollë është një mundësi e mirë për t’u takuar me ligjëruesit në fjalë, diskutuar dhe njohur më për së afërmi për këto çështje. 

Të gjitha shpenzimet janë të mbuluara nga FOCIC përveç biletave të udhëtimit.

Aplikimi bëhet përmes vegzës së bashkangjitur:

Për pyetje dhe informacione të mëtejshme: 

Erduan Dauti  
Mob.: +389 76 222 620  
erduandauti@gmail.com